માની યાદ લાવે…એતો શૈશવનાં સંસ્મરણો..

Image(018)[1]
કોઈ તો ગોતી દ્યો..યાદ આવે છે મને એ ઘર, શેરી અને ગલી
અને એ શેરી મિત્રો;સખી અને બાળાપણાની ગોઠડી.
શિશુ જોડકણાં જે હતી મા અમને સદા સંભળાવતી રહેતી;
તો આવો!આવી વાતું કરીએ એવા ભોળા ભોળા બાળપણાનીઃ-
માની યાદ આવતી જે દિ આખો મીઠી મીઠી વાતો કરતી;
મા ને ભઈલો બહુ વ્હાલો અને ગાતી રહેતી
ગીતો નીત નવા નવા જોડકણાં વળી ગવડાવતી;
પાટલે બેસાડી ભઈલાને નવડાવતી;
અને ગીત એક ગાતી
“ભઈલો મારો ડાહ્યોને પાટલે બેસી ન્હાયો;
પાટલો ગયો ખસી ને ભઈલો પડ્યો હસી;
ક્યારે પાડતો તે કિકીયારી,
મને માની યાદ સતાવે મીઠી મધુરી;
કાનમાં મારા એ ગણાગણીને કહેતી રહેતી;
તું ય મને છે ખૂબ વ્હાલી વ્હાલી;
તને ય કરીશ હું વ્હાલી,વ્હાલી ને પટાવતી;
મીઠી મધુરી ટચૂકડી વા તો કહેતી;
વાઘ; સિંહ ને વરૂની તો વળી;
વાંદરા ને ટોપી વાળા ફેરિયાની;
લુચ્ચા શિયાળની ને પૂરીને કાગડાની;
વળી પાછી હા..ઉકલી કરીને;
પાછળ આવીને દેતી ચમકાવી;
જયારે ભઈલો રિસાઈ જાતો;
ને જોતો રહેતો કોણ મને મનાવે?
મા આવીને મનાવી લેતી..
રમત રમાડતી હબૂક પોળીની;
હજી યે યાદ આવે છે;
વારતા ચાંદામામા પોળી;
ઘીમાં ઝબોળી…
બેનના મોંમાં અડધી પોળી ને;
ભઈલાને તો આખી;
ચાંદા..ચાંદા..ચાંદા..
હબૂકપોળી હબૂક..
તો…વળી ગાતી બીજી કડીઓ..
ચાંદા ચાંદા ઘી ગોળ માંડા;
દહીં કે દૂધડી? માખણ ફૂદડી;
ભાઈના મોંમાં હબૂક પોળી;
તો કોને ના સાંભરે?આવી મીઠી માવડી?
હું તો ઊભી ઊભી ભઈલાને બોલાવું સાદ કરી;
પાછો ભઈલો જાતો માનીને ખડખડ દેતો હસી;
તો વળી હું જાતી રિસાઈ કે મા મને મનાવે કેમ નહીં?
તો મા મને જોતી રે’તી અને પાછળથી આવી;
એક્દમ મને ગલી કરી ચમકાવી દેતી હુંય હસી.
સામે આવી પહેલી આંગળી પકડી પૂછતી;
આ મોરની શું શું ખાતી? મોરની ખાતી રોટલી?
બીજી આંગળી પકડી પૂછતી;
આ મોરનીએ ખાધી ભાખરી?
એમ કરીને બટકું મોંમાં દેતી;
ત્રીજી આંગળી પકડીને રોટલો ખવડાવતી;
તો વળી હું કરી નખરાળાં ના ના કરતી;
ચોથી આંગળી પકડીને પૂછતી;
આ મોરની શું શું બીજું ભાવતું ખાતી?
મને ભાવતું ઢેબરું એ કેમ નથી ખવડાવતી?
ધીરેથી પાછળના હાથે સંતાડેલું ઢેબરું કાઢી;
મોંમાં બટકું એનું દેતી; એમ કરી લાડ લડાવતી;
પાંચમો અંગૂઠો પકડીને પૂછતી;
આ મોરની પૂરી ખાય કે નહીં?
એમ કરી પૂરી ખવડાવતી;
અને છેલ્લે હથેળીમાં હળવેકથી લાડવો મૂકી;
કરી લેતી વ્હાલી વ્હાલી;
આવી હતી મા મારી મને વ્હાલી વ્હાલી;
સૌ કોઈની મા ય હોય છે વ્હાલી વ્હાલી…
નાની નાની વારતા માંડતી;
જાણે કોઈ પરીઓના દેશમાં લઈને જાતી;
હું એની સંગે કલ્પનાની પાંખે ઉડતી રહી;
નવી નવી દુનિયા નિહાળતી..
ગાય ખોવાણી…ગાય ખોવાણી
અહીં ઘડો હતો કોણ ગયું એનું પાણી પી?
ભઈલો કહેતો એ તો હું ગયો પી;
તો વળી મા પૂછતી અહીં ગાય હતી;
તે ગાય ક્યાં ગઈ? ભઈલો કાલુ કાલુ બોલી;
“ખોવાઈ ગઈ..” મા પકડી લેતી હથેળી;
કહેતી “ગાય ખોવાણી..ગાય ખોવાણી..”
ક્યાં ક્યાં ગઈ ખોવાઈ? ને કરી લેતી ગલી પચી;
પકડી લેતીને કહેતી..”આ રહી..આ રહી..”
ભઈલો ય કરી લેતો માને ગલીપચી..તાતા તાબરડી..
તાતા તાબરડી..; ચોરે બાંધી રાબરડી;
કહેતી મા ગાતી ને મારી;
પહેલી આંગળી પકડતી;
પછી ગાતી ચોર ગયો છીંડીએ;
મોં ભરાણું ચીંડીએ;
લાડવો કોણા ખાઈ ગયું?
ભઈલો કહે..”હું ખાઈ ગયો..”
ને હું બોલતી કે હું ખાઈ ગઈઃ
પાણી કોણ ગયું પી?
ભઈલો કહે, “હું પી ગયો.”
મા પૂછતી રહેતી;
ગાય ક્યાં ગઈ?
ભઈલો બોલે,
“ઈ તો ખોવાઈ ગઈ..”
મા મારી પકડવા દોડતીને;
પકડીને કરી લેતી ગલીપચી;
બોલતી એમ,“ગાય ખોવાણી…ગાય ખોવાણી…”.
આવી રમતું માંડતી;
ને અમને સૌને રમાડતી;
મારી માવડી મારી તુ ગાય;
તુ ક્યાં ખોવાણી?
કોઈ તો દ્યો મને ગોતી?
માવડી મારી રિસાણી.
ક્યારેક મા મારી રમૂજ કરતી;
પહેલી આંગળી પકડી પૂછતી;
આ ગાય કોની? હું બોલું કે, “બા ની.”
બીજી આંગળી પકડી પૂછતી;
આ ગાય કોની? તો હું કહેતી,”બેનની”
ત્રીજી આંગળી પકડી પૂછતી;
આ ગાય કોની? તો હું કહેતી,”માસીની”;
ચોથી આંગળી પકડી પૂછતી;
આ ગાય કોની? તો હું કહેતી,”મામીની”
પાંચમો અંગૂઠો પકડી પૂછતી;
આ ગોધો કોનો? તો હું કહેતી,”દાદાનો”
તો ફરી પાછી ગલીપચી કરી મા પૂછતી;
ગાય ખોવાણી..ગાય ખોવાણી…
મા મારી મને યાદ આવી;
આમ અધૂરી રમત છાંડી;
ને તું ક્યાં ગઈ ખોવાણી?
તું માં કાં રિસાણી?

Advertisements

7 thoughts on “માની યાદ લાવે…એતો શૈશવનાં સંસ્મરણો..

  1. મા મારી મને યાદ આવી;
    આમ અધૂરી રમત છાંડી;
    ને તું ક્યાં ગઈ ખોવાણી?
    તું માં કાં રિસાણી?
    In this Post, you have given the “darshan” of the Joy of Balpan with the “talks” of mother to a Child.
    Enjoyed it very much !
    DR. CHANDRAVADAN MISTRY
    http://www.chandrapukar.wordpress.com
    Inviting you to Chandrapukar…..not seen you since long time.

  2. નમસ્કાર!
    આપનો બ્લોગ ”Ushapatel” વાંચ્યો અને આપે જે રચના અને કૃતિઓ આપના બ્લોગ ઉપર મૂકેલ છે તે ખૂબ જ ઉપયોગી અને સુંદર છે.
    આશા છે આપનો બ્લોગ દિનપ્રતિદિન સફળતાના ઉન્નત શિખરો પ્રાપ્ત કરે તેવી શુભકામનાઓ.
    આપ આપના બ્લોગ થકી ગુજરાતી ભાષાનો જે પ્રસાર – પ્રચાર કરી રહ્યા છો તે સંદર્ભે ગુજરાતીલેક્સિકોન ટીમ વતી અમો આપ સમક્ષ એક રજૂઆત કરવાની મહેચ્છા દાખવીએ છીએ.
    ગુજરાતીલેક્સિકોન એ સતત છ વર્ષથી ભાષાના પ્રચાર -પ્રસાર માટે કાર્ય કરે છે. ગુજરાતીલેક્સિકોનની વેબસાઇટ ઉપર 45 લાખથી પણ વધુ શબ્દો અને અંગ્રેજી – ગુજરાતી શબ્દકોશ, ગુજરાતી – અંગ્રેજી શબ્દકોશ, ગુજરાતી – ગુજરાતી શબ્દકોશ જેમાં સાર્થ-બૃહદ અને ભગવદ્ગોમંડલોન સમાવેશ થાય છે, હિન્દી – ગુજરાતી શબ્દકોશ, વિરુદ્ધાથી શબ્દો, કહેવતો, રૂઢિપ્રયોગ, પર્યાયવાચી શબ્દો, શબ્દ સમૂહ માટે એક શબ્દ, વિવિધ રમતો, ગુજરાતી જોડણી ચકાસક (સ્પેલચેકર) વગેરે જેવા વિવિધ વિભાગો આવેલા છે.
    આ ઉપરાંત, આ સમગ્ર સ્રોત વિના મૂલ્યે ડાઉનલોડ કરવાની સુવિધા પણ આપવામાં આવી છે.
    માતૃભાષાના સંવર્ધન અને પ્રચારના અમારા આ પ્રયાસમાં આપ પણ સહભાગી થાવ એવી અમારી ઇચ્છા છે. આ સંદર્ભે આપે ફકત આપના બ્લોગ ઉપર યથાયોગ્ય સ્થાને ગુજરાતીલેક્સિકોન (http://www.gujaratilexicon.com) અને ભગવદ્ગોમંડલ (http://www.bhagwadgomandal.com)વેબસાઇટની લિંક મૂકવાની છે. જેથી વિશ્વભરમાં સ્થાયી થયેલ કોઈ પણ વ્યક્તિ એ લિંક ઉપર ક્લિક કરી પોતાની માતૃભાષા સાથેનો સંબંધ જાળવી રાખી શકે. અમને આશા છે આપ આ કાર્યમાં અમારી સાથે જોડાશો. તો ચાલો સાથે મળી આપણી ગરવી ગુજરાતી ભાષાના પ્રચાર અને પ્રસાર માટે એક સહિયારો પ્રયાસ કરીએ. આપને આ સંદર્ભમાં કોઈ પણ પ્રશ્ન કે મૂંઝવણ હોય તો વિના વિલંબ આપ અમને ઈમેલ કરી શકો છો અથવા ફોન ઉપર પણ સંપર્ક કરી શકો છો. અમારો ફોન નંબર આ મુજબ છે – ૦૭૯ – ૪૦૦ ૪૯ ૩૨૫

    • Gujarati lexicon teams.. I hereby very much thankful. A s I am giiving answaer of your comment by mobile so giving you my response in english. I am sorry for that .kindly show me how can put link of you suggested website. I like them also. Namaskar and aabhar. Ushapatel.

    • to Gujarati lexicon team…I am giving answer through moblile, so please excuseme for that I can’t write in Gujarati. It my good luck that you offer to put bhagvagomandal on my site.
      inservice. of Gujarati language.
      omshanti
      Usha patel.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s